Skip to main content

പ്രളയ ദുരന്തത്തിൽ പഠനോപകരണങ്ങൾ നഷ്ടപ്പെട്ട വിദ്യാർത്ഥികൾക്ക് കൈത്താങ്ങാകുവാൻ "മൈ സ്‌കൂൾ കിറ്റ്" പ്രോഗ്രാമുമായി പ്രതിധ്വനി

my school kit

കേരളത്തെ പിടിച്ചു കുലുക്കിയ നൂറ്റാണ്ടിലെ പ്രളയദുരന്തത്തിൽ ആയിരക്കണക്കിന് ജനങ്ങൾക്കാണ് സർവ്വവും നഷ്ടപ്പെട്ടത്. അവരുടെ കുട്ടികളിൽ മിക്കവർക്കും തങ്ങളുടെ പഠനോപകരണങ്ങൾ പൂർണ്ണമായോ ഭാഗീകമായോ നഷ്ടപ്പെട്ട അവസ്ഥയിലാണ്. ഈ കുട്ടികളെ സഹായിക്കാൻ, അവരുടെ മുന്നോട്ടുള്ള പഠനത്തിന് ഒരു കൈത്താങ്ങാകുവാൻ കേരളത്തിലെ ഐ ടി ജീവനക്കാരുടെ ക്ഷേമ സംഘടനയായ പ്രതിധ്വനി *മൈ സ്‌കൂൾ കിറ്റ്* എന്ന പരിപാടി ഇന്ന് തുടങ്ങുന്നു.

വിദ്യാർത്ഥികൾക്ക് അവർക്കാവശ്യമായ സ്‌കൂൾ ബാഗ്, നോട്ട്ബുക്കുകൾ, ജ്യോമട്രി ബോക്സുകൾ, പേന, പെൻസിൽ, വാട്ടർ ബോട്ടിൽ, കുട തുടങ്ങിയ അവശ്യ സാധനങ്ങൾ ഐ ടി എംപ്ലോയീസിൽ നിന്നും സ്വീകരിച്ചു അവ നഷ്ടപ്പെട്ട വിദ്യാർത്ഥികളുടെ പക്കൽ എത്തിക്കാനുള്ള ശ്രമമാണ് പ്രതിധ്വനി നടത്തുന്നത്. ഇവ ആവശ്യമുള്ള വിദ്യാർത്ഥികൾക്കായി രക്ഷകർത്താക്കൾക്കോ അധ്യാപകർക്കോ സുഹൃത്തുക്കൾക്കോ പ്രതിധ്വനിയുടെ *keralaneeds.com* എന്ന വെബ് സൈറ്റിൽ രെജിസ്റ്റർ ചെയ്‌താൽ, ആ സ്‌കൂളിനോ കുട്ടികൾക്കോ പഠനോപകരണങ്ങൾ പ്രതിധ്വനി സൗജന്യമായി എത്തിക്കാൻ ശ്രമിക്കും.

പഠനോപകരണങ്ങൾ ശേഖരിക്കുന്നതിലേക്കായി ടെക്‌നോപാർക്കിലെ എല്ലാ ബിൽഡിങ്ങുകളിലും *ഇന്ന് (3 സെപ്റ്റംബർ 2018, തിങ്കൾ ) മുതൽ 14 സെപ്റ്റംബർ 2018 വെള്ളിയാഴ്ച* വരെ പ്രതിധ്വനി ബോക്സുകൾ സ്ഥാപിച്ചിട്ടുണ്ട്. എല്ലാ ജീവനക്കാരും ഈ ബോക്സുകളിലേക്ക് പുതിയ പഠനോപകാരണങ്ങൾ നിക്ഷേപിച്ചു, പ്രളയ ജില്ലകളിലെ കുട്ടികൾക്കു പ്രളയത്തിന് മുൻപെന്നതുപോലെ പഠിക്കാൻ സഹായിക്കണമെന്ന് അഭ്യർഥിക്കുന്നു.