സ്ത്രീകളുടെയും കുട്ടികളുടേയും ക്ഷേമത്തിനായുള്ള പ്രത്യേക നിയമസഭാ കമ്മറ്റി, ടെക്നോപാർക്കിൽ വനിതാ ജീവനക്കാർ നേരിടുന്ന പ്രശ്നങ്ങൾ പഠിച്ചു സർക്കാരിന് സമർപ്പിക്കാൻ 2020 ജനുവരി 7ആം തിയ്യതി ഉച്ചക്ക് 2 മണി മുതൽ വൈകുന്നേരം 4 വരെ തെളിവെടുപ്പ് യോഗം ചേർന്നു. നിയമസഭാ കമ്മറ്റി ചെയർമാനായ ആയിഷ പോറ്റി എം എൽ എ യുടെ അദ്ധ്യക്ഷതയിലാണ് യോഗം ചേർന്നത്.

നഗര ഉപജീവന മിഷന്റെയും (NUML) കുടുംബശ്രീയുടെയും ആഭിമുഖ്യത്തിൽ വനിതകൾക്കായുള്ള ഇലക്ട്രീഷൻ കോഴ്സ് കഴക്കൂട്ടത്തിനു സമീപം ആറ്റിൻകുഴിയിൽ ആരംഭിച്ചു. ബഹുമാനപ്പെട്ട ദേവസ്വം ടൂറിസം സഹകരണ വകുപ്പ് മന്ത്രി ശ്രീ കടകംപള്ളി സുരേന്ദ്രൻ കോഴ്സ് ഉത്ഘാടനം ചെയ്തു. കേരളത്തിൽ ആദ്യമായിട്ടാണ് വനിതകൾക്കായി ഒരു ഇലക്ട്രീഷൻ കോഴ്സ് ആരംഭിക്കുന്നത്.