Skip to main content
banner
Srishti-2022   >>  Poem - Malayalam   >>  ധൃതരാഷ്ട്രം

Dileep Perumpidi

Tata Consultancy Services

ധൃതരാഷ്ട്രം

 

ഇഹത്തിൽ വിരിയുന്ന ഓരോ  തുടിപ്പിനും 

ധന്യമാം ജീവിതം നല്കുന്നതെന്തോ 

അതുതാനീ ഭൂമിയെ  സ്വർഗമാക്കുന്നതും 

സ്നേഹമാം ആഴിതൻ അലകൾ നിസ്സംശയം 

 

എങ്കിലും നാമെല്ലാം മനസ്സിൽ കരുതണം 

അലകൾ  വളർന്നാലും നാശം  വിതച്ചിടാം 

ഇഹത്തിൽ  നരകത്തിൻ  വിത്തുകൾ  പാകിടാം 

അമിതമാം സ്നേഹവും വിഷമതു നിശ്ചയം 

 

തന്നോട് തന്നുള്ള സ്നേഹം വളർന്നിടാം 

ഞാൻമാത്രം ഈലോകം എന്നുധരിച്ചിടാം 

ഹീനമാം വഴിയിൽ എന്തും നേടിടാം 

താന്താൻ ചെയുന്ന  അതിസ്നേഹം സ്വാർത്ഥ 

 

ജാതിമതാതികളെ  അമിതമായ്  രമിച്ചിടാം 

വർഗത്തെ  മാത്രം മനസിൽ പതിച്ചിടാം 

ഉള്ളത്തിൽ  മുളളുള്ള വേലികൾ പണിതിടാം 

അതിസ്നേഹം വർഗീയ വിഷമെന്നും ഓർക്കണം 

 

അധികാരിവർഗ്ഗങ്ങൾ  അഴിമതി  കാട്ടിടാം 

അനർഹരെപോലും അര്ഹരായ്മാറ്റിടാം 

അർഹരെകാണുമ്പോൾ  കൈകൾ മലർത്തിടാം 

സ്വജ്ജന സ്നേഹത്തിൻ  തിരുശേഷിപ്പുകൾ

 

ധൃതരാഷ്ട്ര സ്നേഹത്തിൽ  അന്ധരാകും ചിലർ 

എന്തിനും ഞാനുണ്ടെന്നോതി വളർത്തീടും 

തെറ്റുകൾ  സ്നേഹത്തിൽ കാണാതെ പോയീടാം 

ധനത്തിൽ ധർമത്തെ മറക്കും അനീതികൾ 

 

സത്യത്തിൻ ദീപം മുറുകെ പിടിക്കണം 

ധർമ്മമാം എണ്ണ  തുളുമ്പാതെ കാക്കണം 

ഉലയാതെ നോക്കണം നീതിതൻ തിരികൾ 

സ്ഫുരിക്കുന്ന നാളങ്ങൾ  പ്രകാശം പരത്തട്ടെ