Muhammed Shan
Animations Media
മെന്തിര
സ്നേഹം, കരുണ, ദയ, ദേഷ്യം, കള്ളം, സത്യം, ജീവിതം, മരണം,ഞാൻ, നീ ...ഹ് ,
അതെ ഞാൻ നീയാണ്. അക്ഷരങ്ങൾ കൂടി ചേർന്ന് കുറെ വാക്കുകൾ, ഇതെല്ലം സത്യത്തിൽ നിന്നെ പറഞ്ഞു പറ്റിക്കുകയല്ലേ ചെയ്യുന്നത്?
അക്ഷരങ്ങൾ കൂടി ചേർന്നാലുണ്ടാകുന്ന ഓരോ വാക്കുകളിലും , അതിൽ ഏതാണ് സത്യം ഏതാണ് കള്ളം എന്ന് നമുക്കു തിരിച്ചറിയാൻ സാധിക്കുന്നില്ല.കുറെ വാക്കുകളിലൂടെയാണ് നമ്മുടെയൊക്കെ ജീവിതം മുൻപോട്ട് പോകുന്നത്, നിന്റെയും എല്ലാവരുടെയും .
എല്ലാം മറക്കാനും പൊറുക്കാനും ഏവർക്കും സാധിക്കും. പക്ഷെ എന്ത് കൊണ്ട് നിനക്കതു കഴിയുന്നില്ല? നിന്നിലൂടെയാണ് ലോകത്തെ കാണേണ്ടത് , അക്ഷരങ്ങളിലൂടെയാണ് ലോകത്തെ കാണേണ്ടത് .ഹ് ഒരു തരത്തിൽ പറഞ്ഞാൽ ഇതൊക്കെ നമ്മളെ പറഞ്ഞു പറ്റിക്കുകയല്ലേ ചെയുന്നത്? നിന്റെ വാക്കുകളിലുള്ള സത്യങ്ങളെക്കാൾ എത്രയോ വലുതാണ് കേവലമൊരു കടലാസ് കഷ്ണത്തിൽ നീ എഴുതി ചേർത്ത അസത്യങ്ങൾക്ക് ! അത് കണ്ടല്ലേ ലോകം പഠിക്കുന്നത്? വാക്കിനാൽ ഉച്ചരിക്കുന്ന കാര്യത്തിന് ലോകം നമ്മെ വെറുക്കും പക്ഷെ എഴുതി വെച്ചിരിക്കുന്നവയിലുള്ളതെല്ലാം ലോകം വിശ്വസിക്കുന്നു.അപ്പോൾ അത് തന്നെയല്ലേ ഏറ്റവും വലിയ കള്ളം ??
ഇതാ നോക്കു
നിന്നെ ഒരു ഇരുണ്ട മുറിയിൽ അടച്ചിട്ടിരിക്കുന്നു .നിന്റെ മുൻപിൽ ഒരു പേപ്പറും ഒരു പേനയും ,നിനക്ക് ചുറ്റും കറുത്ത വസ്ത്രധാരികളായ കുറച്ചാളുകൾ , അവർ നിന്നെ അഭിമുഖീകരിച്ചിരിക്കുന്നു .നിന്റെ ഒരു ദിവസത്തിൽ നടന്നതായ എല്ലാ കാര്യങ്ങളും അവരുമായി പങ്കു വയ്ക്കുക എന്നതാണ് നിന്നിൽ ഏൽപ്പിക്കപ്പെട്ട കർത്തവ്യം . എന്നാൽ നിന്റെ വാക്കുകളിലെ കള്ളങ്ങൾ നിന്റെ ജീവൻ എടുക്കും .ഹ് ..,അപ്പോൾ നീ എന്താണ് അവരോട് പറയാൻ പോകുന്നത്? നിൻറെ ജീവിതത്തിലെ കള്ളങ്ങളോ ?
ഇന്നും പതിവ് പോലെ ആ മുറിയിൽ നീ അടയ്ക്കപ്പെട്ടു . നിന്നെ സംബന്ധിച്ചിടത്തോളം ഇന്നൊരു പ്രധാന ദിവസമാണ് കാരണം ഇന്ന് നീ അവിടെ നിൽക്കുന്നതു ഒരു കൊലപാതകിയായാണ് .പക്ഷെ അത് നീ തുറന്നു പറഞ്ഞാൽ നിനക്കു സമൂഹത്തിന്റെ മുന്നിൽ തൂക്കുമരമാണ് സമ്മാനം. എന്നാൽ നീ അത് മറച്ചുവച്ചു കള്ളം പറയുകയാണെങ്കിൽ മരണമാണ് നിന്നെ കാത്തിരിക്കുന്നത്. അകാരണമായ രീതിയിൽ നിനക്ക് പറ്റിയ കയ്യബദ്ധമാണ് നിന്നെ കൊലപാതകിയാക്കിയത്. സത്യവും അസത്യവും തുല്യരാക്കപ്പെടുമ്പോൾ നിനക്കു മുൻപിൽ രക്ഷയുടെ ഒരു പഴുത് മാത്രമേ അവശേഷിക്കുന്നുള്ളൂ.
എഴുതി ചേർക്കപ്പെട്ട ഈ വാക്കുകളിലൂടെ ഒരിക്കൽ കൂടി സഞ്ചരിക്കുമ്പോൾ നിനക്കായി മാറ്റിവെച്ചിരിക്കുന്ന ആ രക്ഷയുടെ പഴുതിലേക്ക് നീ തനിയെ എത്തി ചേരും.
ഒന്ന് തിരിഞ്ഞു നോക്കുമ്പോൾ നിന്റെ ജീവിതത്തിൽ നീ തിരയുന്ന ഉത്തരവും ഇത് തന്നെ അല്ലേ ?